保護廣州話，刻不容緩!四年前7月25日上萬人聚集廣州街頭「撐粵語」，四年後，當局禁粵語的政策捲土重來，來勢更兇。廣州民間本土文化網站羊城網，昨倡議將每年7月25日定為「粵語日」，吁所有粵語人一齊撐：「有你撐住，粵語一定唔會衰!」
「只要系母親教畀我哋嘅語言，就值得我哋珍視……」羊城網呼籲，以粵語為母語的人都有責任同義務去保護自己的語言文化。該網主編兼創辦人小勞(勞震宇)，是土生土長廣州人，他昨受《蘋果》採訪稱：「唔好認定方言就應弱化、粵語是低等語言。粵語文化歷史內涵非常深厚，我哋想通過紀念這日子，普及呢個觀念。」
「粵語日」倡議書包括五張以黑板粉筆字構圖的廣告，展現粵語優雅、醒目、風趣、傳神一面，譬如球星David Beckham粵語譯音「貝克漢」，比普通話「貝克漢姆」簡潔;足球除「射」在廣東話里有「斬、片、炒……」等普通話里所沒的傳神表述。廣告還用了繁體字，正職從事廣告及公關的小勞說：「正體字字形首先比較優美，粵語書面化我覺得用正體字更合適。簡體字內很多粵語字眼系表達唔到出來。我哋系要保護中華文化的多元性。希望大家在網上轉，所有講粵語的人都轉一次嘅話，已經好了不起。」
創廣告展現粵語優雅風趣
「最好每一日都系粵語日!」大陸微博上反應熱烈，facebook上有不少香港網友轉載：「無理由唔撐，我唔想有日無綫新聞用普通話做廣播。」
廣東推動新一輪「規範語文」運動，上月底廣東電視台「正點新聞」改為普通話廣播;佛山更明令禁止政府機構、媒體、學校甚至餐廳等使用粵語和繁體字。
小勞認為粵語生存空間早在不知不覺間已縮得很窄：「廣州好多公共服務都唔提供粵語了;又比如我哋去吃飯買嘢，好多時只能講普通話，因為服務你嗰個，根本唔識聽。」偏頗的語言文化政策，令下一代對粵語越來越陌生：「好多學校將推行普通話誤解成『只能講普通話』。授課講普通話，甚至要求小朋友溝通、返屋企同家長都要講普通話……話擔心講得粵語多，會令普通話唔正。我認為系偏見，新一代廣州青年普通話水準絕對高過全國平均。」
大陸微信昨下午已過濾粵語日相關訊息。被問到會否擔心受打壓，小勞說：「沒咩壓力，我哋又唔喺煽動大家做壞事。」他多次強調倡議與四年前萬民上街無關：「揀7.25呢個日子純粹心血來潮。粵語日唔系咩悲情日子，我希望可當成節日去慶祝。」以「與廣州人同聲同氣」為口號的羊城網2000年創立，多次推動本土語言文化保育，又曾設計《碎粵神偷》海報及《舌尖上的粵語》、《穿粵時光機》等短片。
