 |
|
向太全文，充滿感慨(微博圖片)
但向太凌晨兩點又再次鬧爆星爺
一向不平則鳴嘅向太(陳嵐)，近日喺微博炮轟周星馳(星爺)，發揮女漢子本色。一開始痛批星爺嘅為人，持續要求星爺出嚟道歉，不過星爺依舊不作任何回應。十日限期都過曬囉。
不過向太噚晚突然發文，態度大變，仲話好心疼星爺，希望星爺真系可以出嚟回應添!
噚晚向太喺微博，搵番當年同星爺嘅合照，仲寫道：「人家說你不好時，我疼，疼到不知道該怎麼辦?我說你不好時，我更疼，疼到不能自制，思緒混亂。一次一次，一遍一遍，被攻擊，已經習慣，被你刺痛。被你的粉群毆。」睇嚟連日同星爺粉絲嘅網上罵戰，確實影響到向太嘅心情，似乎軟硬兼施，逼星爺講嘢，但早前又講明唔系要星爺道歉，系要星爺還佢老公一個清白。
向太又話：「我的語言過於蒼白，心卻是因為你做過的每一件事而疼。但已習慣你們在我傷口灑把鹽，在我心裡一點點蔓延，讓我已將痛化成為恨。但是痛及恨會讓我堅持下去等待一個結果，就是你的出來還給我們一個說法、一個公道!」
但凌晨兩點，向太又再次批評星爺指：「贈予周兩句話。如果真相是種傷害，請選擇謊言。如果謊言是種傷害，請選擇沉默!周先生也真的學到了，了不起啊!」不過睇星爺連日都冇回應，應該選擇咗保持沉默，點解向太咁飄忽，凌晨急轉軚，嗰頭講完心痛星爺，轉個頭又再數臭星爺，女人真系好善變喎!
