現年89歲的香港首富李嘉誠，咸豐年前做過馬主，在港養過"信心"、"金榜題名"、"三甲"等駒。
自"三甲"於1983年最後一次出賽後以來，誠哥已經30幾年沒再養馬，近十幾廿年更幾乎絕跡馬場。今日（29日）這位千億稀客，突然現身快活穀日賽，仲帶埋孫女到場，即時成為各方焦點。
誠哥全日都沒在場內高姿態露面，只在廂房食飯睇跑馬，可謂行事低調。
原來呢位香港首富系俾面朋友，須知這天快活谷第五場上演香港鄉村俱樂部挑戰盃，名人何世柱、商舖業老手兼馬會遴選會員任永賢，邀請誠哥呢位老朋友到場吹水兼睇跑馬，而誠哥不但俾面出席，而且帶埋孫女（其長子李澤鉅的女兒）到場，同一眾世叔伯見面，一干人等仲合照留念。
李澤鉅和太太王儷橋育有三女一子，子女們向來甚少曝光。資料顯示其次女及三女均不足18歲，而快活谷馬場在賽日不准18歲以下人士進入，故圖中少女應是年約21歲的李澤鉅長女李燕寧；後者長得亭亭玉立，且與媽媽王儷橋有八、九分相似，深得誠哥痛錫。
李嘉誠做過馬主，其岳父莊靜菴的家族成員當年亦是馬場常客，曾擁有"大快樂"、"大時代"、"勇進"、"得利是"、"寶驥"等駒。
