阿波羅新聞網娛樂 > 熱門明星 > 正文

李冰冰氣定神閑 罕見回應逃稅風波

大陸女星范冰冰捲入逃稅風波後,大陸演藝圈人人自危,高收入的一線藝人更備受關注。一直是范冰冰宿敵的李冰冰,近日成為40億票房女王,身價當然水漲船高,昨日來港出席代言的鐘錶品牌專門店開幕禮時,罕有地回應有關風波,氣定神閑說:"我們都是合法的做自己的事情。"真金不怕洪爐火!

捲入逃稅風波的大陸女星范冰冰至今"隱形"達三個月,大陸有關當局對於演藝人員的天價片酬及"陰陽合同"等問題極度重視及嚴肅處理,高收入的一線藝人受關注外,大陸女星袁立一向力挺引爆逃稅風波的崔永元,早前更在微博意有所指的留言:"兩根冰棒的帳,都是一樣的!看誰命大!逃過一劫!"李冰冰昨日來港出席活動時,首次就有關風波發言。

身為國際頂級制錶品牌寶齊萊全球形象代言人的李冰冰,昨日和寶齊萊全球行政總裁Sascha Moeri、太子珠寶鍾錶集團主席鄧鉅明及副主席鄧宣宏雁,為品牌的銅鑼灣專門店擔任開幕剪綵嘉賓,現場更有醒獅表演,氣氛熱鬧。一身低胸裙現身的李冰冰,神采飛揚,狀態甚佳,皆因她和荷里活男星積遜史特咸(Jason Statham)合演的中美合拍片《極悍巨鯊》票房全球大收,外間指她在荷里活影圈的地位超然!

唔收錢拍港產片

《極》片在大陸票房衝破10億人民幣(約11.4億港元),全球票房達5億美元(近40億港元),成績驕人,問到冰冰是否成為票房女王?她喜上眉梢說:"系呀,依家票房第一,全球收咗5億美元,我覺得好驕傲,接咗呢部戲我覺得好爭氣,沒諗過有咁高票房。導演對我好好,當我好似佢個女咁,如果我做得好,佢會成日抱抱或錫我,你哋都知呢啲老外禮貌式。(拍續集?)應該會有,未收劇本,其實做過一次已經好值得,雖然拍得辛苦,我又唔熟水性,潛落六、七米,又要有動作。"

問到票房佳會否加片酬?她笑說:"你哋(記者)話事啦!(加人工都正常!)系㗎!值得嘅!"不過當問到收入不少,會否擔心稅局追稅時,冰冰立刻一臉認真的說:"我們都是合法的做自己的事情。"當再問到有否留意范冰冰逃稅風波的消息時,她立刻封嘴並示意身旁的助手解圍,其助手說:"唔好意思,我哋唔回應。"之後冰冰續稱期待和香港的導演合作,問會否減薪收平一點?她豪氣說:"唔收錢,劇本好嘅唔收錢!"

獲老外特別照顧

在《極》中全程零配音、親自以全英語對白上陣,問她是否有語言天分?她說:"我想大家見證一下,見證我呢個唔識講英文嘅人,慢慢學到識。(有語言天分?)可能系啦!好多人都系咁講,話我有天分,同埋我都好鐘意學習語言,平時都好鐘意聽廣東歌,同埋都鐘意廣東話,但沒時間學其他語言,好難。(每日花兩、三小時學英文?)拍戲時,由朝到晚個腦都系英文,因為細個沒呢個學習嘅背景,依家學就要用雙倍時間,一點一點咁去學。拍戲時全日學,平時難啲有時間學。"

冰冰更盛讚男角Jason十分好人零架子:"最記得有次佢主動走嚟話同我練習一次,我之後再問佢可唔可以練多幾次,佢話沒問題。佢仲話:『如果叫我學中文拍一套戲,我一定做唔到。』所以佢好理解,我要用另一種語言去拍戲。"

阿波羅網責任編輯:時方 來源:東網 轉載請註明作者、出處並保持完整。

熱門明星熱門

相關新聞

➕ 更多同類相關新聞