"港版國安法"內容今日傍晚終於出台，包括中央將在港設置"駐港國家安全公署"、香港需設立"維護國家安全委員會"、審理國安法案件法官由行政長官委任等。不少市民對草案內容感憂慮，認為國安法令國安可以合法在港執法，又質疑政府在反送中運動的一年後，竟直接帶大陸國安到香港，來回應市民訴求，稱"不如直接宣布一國一制啦"。
對於"港版國安法"的內容出台，楊小姐表示即使沒有國安法，中共干預香港的擔憂一直存在，"依家只系畀佢有個理由話你觸犯咗法例"。楊小姐指雖然很多國家都有國安法，但不同在於到底是誰人審訊，"同埋有無保護到市民，但依家法官要由林鄭指定，拉人嗰班又系咩人呢？咩人可以入選到呢？會唔會有陪審團呢樣嘢呢？呢樣嘢令我哋好擔心"。
她指內容稱只會對極少數危害國家的案件行使管轄權，此舉是摧毀一國兩制，"同埋唔系講緊極少數定多數問題，呢個系one or zero嘅問題，當有咗第一單，就會成為一個案例，之後就可能會有好多類似情況出現，而呢個系唔公義，點解我哋要比第一單發生呢？"生於1997年的她認為港版國安法是令"50年不變"提前結束，自嘲自己一下子也變成了50歲。
文先生指國安法內容出台，證實了市民早前的擔憂，"大家之前一直擔心就系大陸公安，可以喺香港運用佢哋嘅權力去對付香港市民，喺依家呢個架構下系完全實現咗呢個情況"。他指無法判斷甚麼是"極少數"、"非常危害國家安全"的情況，但中共已在香港設立部門進行執法，"我哋最擔心嘅系大陸嘅人可以嚟香港執法，而唔系咩情況下執法嘛"。
文先生表示，近年國安在港執法是暗地處理，"好似銅鑼灣書店咁，但未來就名正言順咁去做呢樣嘢，一直以嚟嘅恐懼就系呢樣嘢，依家就系制度上可以咁做"。
袁先生質問香港現時是否仍然實行普通法，"大陸執法人員可以嚟港執法，香港到底仲行緊普通法定系大陸法呢？"他斥若有大陸執法人員來港執法，不需要另立港版國安法，"不如就直接宣布一國一制啦，你畀香港法官去審，但又容許大陸執法人員喺香港執法，一年前香港人出嚟就系好驚你捉咗香港人返大陸審，一年之後回應我哋嘅訴求就系搞港版國安法"。
草案規定，香港本地法律與"港版國安法"如有不一致，則適用"港版國安法"的規定，解釋權屬於全國人大常委會；涂謹申認為，直接效果是國安法凌駕國際人權公約保障，使香港人或身處香港的外國人，失去人權保障。
他又指整個草案是將大陸獨裁專制極權的國安執法體制和意念，強加在香港的自由價值體制，徹底否定一國兩制，法治和司法獨立。
