謝霆鋒和張栢芝婚姻過去半年一直現危機，當熱情的栢芝日前被本報獨家踢爆與陳冠希空中釋前嫌，引爆鋒芝婚變，有指栢芝更提出離婚以退為進，身在大馬開工的霆鋒愁爆封嘴，據霆鋒友人爆料指他耳仔軟，不想囝囝在破碎家庭成長，令婚變可能有彎轉，另一邊廂，昨日凌晨栢芝在深圳片場現身時更笑不攏嘴。
謝霆鋒和張栢芝的 5年婚姻，因栢芝上月 8日母親節與舊愛陳冠希機艙相遇，她熱情示好兼合照留念而引爆夫妻婚變。機艙事件曝光，令鋒芝關係現裂痕，同時也爆出過去半年栢芝不停要求管理霆鋒的財政。近日又傳出栢芝發難以退為進，主動向霆鋒提出離婚，不過性格外剛內柔的霆鋒，經歷過父母比離的痛苦，他為了兩子著想，離婚之事存在變數。
據知情人士透露，栢芝當年捲入淫照事件後，主動帶 Lucas泰國探班，並向霆鋒跪地求饒，霆鋒身邊友人昨日說：「當時霆鋒話過為左個仔系唔會同栢芝離婚。」栢芝友人近日向她獻計，教唆她掌握老公財政防變卦，她便不時要求分身家，霆鋒為息事寧人而照做。
栢芝和 Edison的空中會終辣㷫霆鋒，栢芝雖狂發短訊和致電霆鋒解釋，但霆鋒希望保留空間冷靜處理問題。有傳栢芝提出離婚，企圖先發制人。據霆鋒好友爆料：「霆鋒其實好心軟，佢真系好唔想離婚，佢的段婚姻半年前已經好多問題，佢聽左好多人講野，成日話要管住老公啲錢就等於食硬佢，點知出嚟效果令人反感。不過霆鋒自己受過父母離婚之苦，佢咁錫對囝囝，好唔想佢的行番自己條舊路，佢冷靜落嚟就好易心軟。」
霆鋒目前正身在馬來西亞拍攝林超賢執導的電影《逆戰》，不過劇組昨日和今日再次停工，工作人員紛紛趁機外出玩樂，只有霆鋒足不出戶。備受婚變傳聞困擾的霆鋒，一直有跟英皇經理人霍汶希（ Mani）保持聯絡，她昨日在山頂出席宣傳活動時直認前天才跟霆鋒通電， Mani說：「佢家拍緊套戲，好多動作佢要求親身上陣，之前拍一幕喺 8樓跳樓嘅戲，佢瞞住公司拍左，我想佢集中精神工作先，有乜煩都唔好諗。」
問到霆鋒是否借工作分散注意力， Mani說：「我諗唔會，佢每次拍戲以外時間都系唔出門口。」 Mani謂從不過問霆鋒私事，她說：「以免你一言我一語煩上加煩。」她透露霆鋒拍畢《逆戰》會緊接拍大陸劇，她說：「應該會休息幾日，但我建議佢唔好返香港，返嚟都休息唔到。」
昨日有大陸報導傳鋒芝婚變是男方在北京包二奶，激嬲栢芝工心計爭奪霆鋒的財產， Mani昨日在電話代為否認：「其實都唔需要每日回應所謂知情人士講嘅野，呢啲咁無聊，唔系事實嘅野唔需要回應。」 Mani絕對相信鋒芝之間沒有小三， Mani說：「相信除左工作就留喺屋企嘅人，好難包到二奶。」
此外，容祖兒原來也身在大馬拍廣告，她昨晚收工後出外消夜，問到她為何不約霆鋒吃飯，祖兒說：「我想約佢食，不過佢話想留喺酒店。」她謂不方便搵霆鋒，只託助手問候他。
栢芝前晚在深圳通頂拍攝與權相佑合作的新片《影子愛人》，連日受婚變傳聞影響的栢芝明顯比前消瘦，臉蛋變尖，但依然谷胸上陣相當性感。昨日網上流傳一條前晚栢芝跟權相佑挽手拍攝的 ball場戲的視頻，片中見她未埋位前細聽導演潘源良說話，與男工作人員傾偈時更笑不攏嘴，似乎心情不錯。
昨日栢芝仍身處深圳東部華僑城的酒店拍攝現場，續拍舞會煞科戲。昨日 6時許，監製關錦鵬和潘源良已抵現場準備開工，不過攝製隊見在場有記者，隨即以白布遮隔，據知栢芝得悉有傳媒等候更遲遲不現身。
晚上 8時許，栢芝穿著婚紗現身，跟對手權相佑拍攝一場舞會戲，表現投入。不過場外記者遭大陸劇組工作人員動粗，雖然記者表示自己的住客身份，他們依然捉著記者要求停止拍攝。