「雨傘革命」燒得熾熱，有人撐有人反，早前傅明憲喺facebook抱怨占中搞到佢冇得睇煙花，又話搞到股票跌，仲亂噏話:「旺角已經失控，解放軍應該出動嗎?」其時一班疑似愛國人士仲未去旺角搗亂。
而傅明憲個富男友莊家彬，亦在微博撐「反占中」，日前食肆喜記蟹將軍負責人廖老闆親到旺角，要求市民離開，話占中令其生意暴跌，其間仲將成個人鑽入人群，期間抱住一女生小腿，有人即大叫非禮，事後網民起底知道佢系喜記廖老闆，講明要抵制。
莊家彬今日喺微博話:「請大家支付(持)喜記!廖老闆只是說出香港大部分中小企的聲音還要給一名女仕屈非禮!民主是這樣的嗎?」莊家彬今日亦接受本報電話表示：「佢表達咗好多小業主心聲，o依家好多人覺得唔安全唔敢出街，社會咁分裂影響好多在職嘅人同養家嘅人。唔知點解話佢非禮，有人推跌佢，摸一摸人腳瓜。」
阿波羅網編者註：傅明憲是中共香港長城電影廠明星石慧的兒子。