翻房間行李改密碼電腦裝入監控系統
酒店靈異事件時有聽聞,歷史悠久的北京飯店也不例外,臨近「大事件」更有增無減。本港記者近日陸續抵達北京,採訪今日開幕的全國人大及全國政協會議,有記者的電腦被離奇安裝遙遠監控系統,有人行李被翻、密碼被改,酒店房間猶如無掩雞籠,在電話提到敏感詞「茉莉花」即自行斷線。有資深記者指,近期北京保全明顯加強,對採訪的限制亦增加。記者張嘉雯
前往北京採訪兩會的港記,大部份下榻北京飯店,且多被安排入住向長安大街和王府井的房間,有行家估計是為方便當局集中監控。一批港記前晚外出用膳後回到酒店,更相繼發成屋間有「異動」。
記者手機離奇故障
「我部電腦本身有password,出咗去返嚟之後想開MSN,發現得返個shortcut,個program畀人鏟走咗。」不想公開身份的記者A,同時發現視窗右下角有更新提示,「我撳入去見到啲紅色字,裝咗個我唔識慨software,後來先知系一個可以遙遠監控我部電腦慨program。」 A向酒店投訴,酒店堅稱沒有人出入其房間。
同行的香港記者B亦遇「怪事」,房內已上鎖的手提行李無法用原來密碼打開,「明明系自己個篋,點解開唔到o架呢?原本渠想叫個bell boy上嚟踢爛渠,最終渠試咗個幾兩個鍾逐個試先開得番。」
大部份記者的手機也出現異常, A說「電話隔幾分鐘就斷線,話無訊號,之後又話張SIM卡失效,要打開部機,入過張卡再開機先得,一個電話傾3、 4次。」有行家用電話軟體打長途電話,「對方一提嗰三個字(茉莉花)即刻就斷咗線,再傾返就窒嚇窒嚇,明明signal系好強都系咁。 」該批記者昨日曾向港澳辦投訴,獲回覆「冇啲咁慨事,唔會呀?」
隨時砌記者生豬肉
該記者有多次大陸採訪經驗,指今年兩會保全明顯加強,「以前北飯(北京飯店)都系要過security,但家連大行李都要過,仲一定要搜身,真系貼身全身摸勻你嗰只喎。」他指對記者造成壓力,「我深信渠系特登畀我哋知渠哋系隨時都可以搞我哋,唔單止阻住我做嘢,仲可以隨時喺我個篋度唔知放啲乜話我藏毒,或者喺部電腦度加個file話我煽動,咁點算?」
香港記者協會昨日發表聲明,批評北京政府上周日扣查採訪茉莉花集會的港記,又刪除部份記憶卡內容,踐踏新聞自由及侵犯私有財產。
此外, BBC駐京記者站早前收到外交部電話,被「勸告」不要報導茉莉花集會。 BBC記者顧求真表示, 10多名外國記者昨日一度被召到警察局,警方要求他們以後到公共場所採訪要先申請特別許可證,原因是保持街道暢通,若下周日再採訪茉莉花集會,其記者簽證續簽時將遇麻煩。
