女子組合Robynn&Kendy近日參加大陸熱播綜藝節目《中國好聲音》第三季，因成員葉晴晴(Robynn)是中共元帥葉劍英的孫女，被指有特權，更在節目稱自己為中國香港人被網民聲討。昨日Robynn&Kendy自爆獲邀參賽的內幕，與其它要搵門路自薦的參賽者，同人唔同命，令人質疑她確有特權，出道兩年的Robynn反擊：「如果要利用啲乜，點解要等到?家?」
現年28歲的Robynn家族顯赫，祖父是中共元帥葉劍英，伯父葉選平曾任前廣東省省長，貴為「天之驕女」的Robynn，兩年前與拍檔孫曉慧組成Robynn&Kendy女子組合攻香港樂壇，於今年1月在叱吒和新城勁爆頒獎禮獲組合獎後，至今發展平平兼人氣一般，惟兩女竟忽然登上浙江衛視熱播節目《中國好聲音》第三季，難怪引來中港兩地網民好大迴響。
比賽當日，Robynn家姐京城名媛葉明子現身撐場，節目於上周五出街，擔任導師的那英、齊秦等對她們讚不絕口，惟網民卻紛紛質疑Robynn是挾背景參加，譏諷：「家族控制權利半個世紀，冠軍敢內定嗎?」尤其她們在節目中自稱身份是中國香港人，更令網民反感：「你真的是葉帥的孫女?為甚麼說自己是香港人?」
Kendy爆多次被邀參賽
昨日Robynn&Kendy現身尖東出席廣東廣播電視台有份主辦的《第一屆粵語歌曲排行榜頒獎典禮記者會》，Robynn明顯有備而來，直認有留意新聞：「都有睇啲。」幫口解釋的Kendy越幫越忙，竟不慎自爆被邀參賽：「其實比賽兩季前主辦單位已傳message畀我哋，佢哋睇過我哋網上演出同聽過唱片，邀請我哋參加比賽，但當時我哋覺得未ready。」對於被網民質疑Robynn的家庭背景對其他參賽者不公平?Robynn說：「最緊要自己嘅價值觀冇改變，由彈歌、做demo，都系我哋一手一腳做。壓力系有，總之平常心。」
Robynn(左)於比賽前一晚又屙又嘔，翌日聲音沙啞，但Robynn& Kendy依然成功出線。
Robynn因是中共元帥葉劍英孫女，被網民質疑有特權，兼且是內定冠軍，而拍檔Kendy亦踢爆被邀參加的內幕。
對於被質疑是內定冠軍，Robynn說：「我系12年出道，如果要利用啲乜，點解要等到?家?」問到有否刻意隱瞞背景?她攬一攬拍檔Kendy激動說：「好感謝Kendy一路好撐我，加上公司一路冇利用我呢樣嘢。其實我一路冇刻意隱瞞家境，但自己系固執嘅人，由選咩學校、讀咩學科到入行，都系自己決定。」
導演認身世有爆點
問是否為報導不開心?Robynn說：「唔系話唔開心，最重要自己價值觀唔受人影響。」問下次再出賽時，家人會否繼續出席?她謂不會請父母看，免兩老辛苦。對於介紹自己為「中國香港」惹網民狂插，Robynn解釋：「比賽當日導演提議用『來自中國香港』介紹自己，我聽到覺得好敏感，不過諗番香港嘅奧運選手，都系話自己代表中國香港，故諗咗一陣就決定用。」
而《中國好聲音》的導演們於幾年前已贒中兩女，對於Robynn的身世問題，導演組一早就知道她「紅三代」的家庭背景：「雖然她的背景確實很有爆點，但邀請她們來參加，就是看中她們的音樂本身，而不是別的甚麼。」
鄧穎芝：有關係好緊要
Robynn&Kendy獲邀參賽被質疑有特權，之前有傳官恩娜和糖妹都有份參加，但兩女已否認，而鄧穎芝就坦言是自薦報名，她昨接受電話訪問說：「Uncle嘅製作公司幫忙寄demo，有去上海試音，但唱得唔好冇入到。」對於Robynn&Kendy獲邀參加，會否感到不公平?鄧穎芝說：「佢哋有實力唱得好好，有冇黑幕唔知，但有關係好緊要，否則自己唔使自薦。」至於巨聲幫鄧小巧則過五關斬六將得到參加資格，她在電話說：「陳奐仁推薦我，算系自薦，唔覺Robynn&Kendy有特權，佢哋台上發揮好好。」
