有政界人士指出，過去一星期，北京、中聯辦、特區政府均從不同渠道向泛民就 7.1遊行人數「收風」，「我哋話有 5萬到 10萬人，佢哋已經有少少想像唔到，家有成 22萬人上街，已經有人打電話問，究竟點解多咗咁多人」。

該政界人士已向大陸「中間人」表明，撤回替補機制是第一步，「唔係 13號一定再有一萬幾千人包圍立法會，同當年反 23條一樣」，建制派立法會議員亦將承受更大政治壓力，甚至為此承擔政治後果，相信中央也不願見，「一係（建制派）死撐政府，但係到區議會、立法會選舉就要付政治代價，一係就跳船唔撐政府，到時政府管治威信會再削弱，比跛腳鴨更跛腳鴨」。

另一名親北京政界人士更指出，新上任港澳辦主任的王光亞剛訪港，就出現 22萬市民上街，「廖暉做主任時候好哋哋冇事，王光亞一上任冇耐就出事，肯定有壓力」。他們關心的是， 7.1遊行後，中央會否調整對港政策，包括促使現屆政府立即處理各種社會問題，「例如要曾蔭權任內快手解決居屋、高樓價之類民怨」，政界亦密切注視遊行會否影響下屆特首選情，「中央會唔會搵個強硬、可以壓得住局面嘅人做特首呢」。

中文大學政治與行政學系副教授馬岳認為，今次 7.1遊行凸顯了不少民生及政治問題，特區政府必須儘快處理，除了撤回替補機制，好像居屋、高通脹、高樓價、競爭法等問題，也必須儘快在今屆政府內解決，以消解民憤，不能再拖延到下屆政府上任，「正常都知，你唔處理要拖到下屆政府先處理，一定會惡化、下屆政府就更難解決」。