娛樂圈近日再發生女藝人被「狼吻攬錫」事件，愈鬧愈大，警方正式立案介入調查！受害人陳嘉桓昨午召開記者會，親述日前於大陸橫店與馬德鐘及陳浩民食消夜期間遭人強吻攬錫，期間陳嘉桓數度激動落淚，其後往觀塘警署報案，落口供逾五小時，警方已將案件列作境外罪案處理。由於陳嘉桓已考慮就事件到大陸報案，令事件不斷升溫，涉事的兩名男藝人，隨時要負上刑事責任。
十九歲的陳嘉桓（Rose）早前於大陸橫店拍攝電影《笑功震武林》後，跟一班香港藝人食消夜期間，疑被飲醉的陳浩民和馬德鐘又攬又錫，事件令陳情緒低落，其經理人十分震怒，昨日召開記招交代事件。昨午三時，素顏的陳嘉桓身穿黑衫，在經理人及律師陪同下會見記者。陳的經理人首先發言︰「Rose於橫店拍戲遇到不愉快事件，公司十分震驚，呢個系嚴重非禮刑事案。」
十九歲的陳嘉桓（Rose）早前於大陸橫店拍攝電影《笑功震武林》後，跟一班香港藝人食消夜期間，疑被飲醉的陳浩民和馬德鐘又攬又錫，事件令陳情緒低落，其經理人十分震怒，昨日召開記招交代事件。昨午三時，素顏的陳嘉桓身穿黑衫，在經理人及律師陪同下會見記者。陳的經理人首先發言︰「Rose於橫店拍戲遇到不愉快事件，公司十分震驚，呢個系嚴重非禮刑事案。」
「我有反抗，但反應唔切」
其後陳發言，她直言︰「我好唔開心，令屋企人同公司擔心。」她指出，過往曾於大陸拍戲後跟香港藝人食飯，加上當時同劇組的洪天明亦在場，她說︰「食飯天明都有份，我好信任渠，渠爸爸洪金寶同師傅（冼國林）相熟，所以一齊食消夜。」「直至天明飲醉就有事發生，當時我好驚，渠兩個有美好家庭，平時對我小妹妹般看待，但嗰時變咗第二個人。」此時陳停了一會，再說︰「師傅都叫我凡事小心，我唔夠警覺性，要同師傅講對唔住！」
整個交代過程，Rose都能控制情緒，保持冷靜，但當提到家人、師傅即按捺不住，低頭不語，眼泛淚光。以下為部分對話的節錄。
R： Rose 律：律師經：經理人記：記者
記：事件發生慨時候，你有無反抗？
R ： 有，我有反抗，但反應唔切，渠哋系我信任慨人……我又人生路不熟，唔知點離開。
記：你有無飲酒？
R ： 無。
記：馬德鐘話同冼師傅取得共識？
經：老闆無講過呢啲嘢！
律：其實去報案，落案後邊個被告、邊個證人由警方決定……
記：馬德鐘、陳浩民都有道歉喎！
R（停一停）：唔方便講，處理好先再講。
記：Rose話之前有反抗，但馬德鐘接觸完你身體之後，再幫你著衫。
R ： 自己試過有反抗，實在少咗戒心同警覺性。
記：今次喺大陸系咪第一次認識兩人？
R ： 我喺橫店先識渠哋，經常一大班人食飯。
陳接受記者提問期間，有不少問題都不懂回答，好似「呢個行為（指被又攬又錫）維持咗幾耐？」「渠哋有冇摸你下體、胸部？」「有啲相見到你笑？」需在旁律師以問題涉及案情為由不便作答來回應。約二十分鐘後，陳嘉桓在助手、律師及四名黑人保全陪同下到觀塘警署報案，及後轉往將軍澳警署落口供。陳於警署逗留至昨晚十時半離開，其經理人指陳要繼續為《笑功震武林》開工，今早如有機位便於下午返回橫店工作。
警方發言人回覆指，警方昨接獲一名十九歲女子報案，聲稱較早時在大陸被非禮，案件列作境外罪案處理，暫時未有人被捕。
東方日報
陳嘉桓在記者會一度低頭不語，眼泛淚光。
警署落口供
陳嘉桓
