Sunny說，她有兩個看似很對立的身分。
一方面，由2014年的「雨傘革命」（她的用詞）到近月的反送中示威，她多次「出去」幫忙，「我系站喺示威者角度諗嘢的人。」她又接觸過一些走在前線的年輕人，聽到他們的故事，也覺憂心，「如果一路再繼續落去的話，只會越來越多呢啲人。由唔敢行落天橋，到行到前線，變成勇武派……總之都系林鄭，佢幾時落地獄？」
但另一方面，Sunny又是一名「警嫂」：她的丈夫是警員，不時在示威前線執勤。
角色看似勢不兩立，Sunny眼裡卻不然：「我呢個身分、立場，可以提出一些大家未必做到的事。」近日她與一些警察家屬成立「警員親屬連線」facebook專頁，並發起聯署聲明，表明「希望政府不要再拿警隊做維護政權之矛」，並促請政府成立獨立調查委員會，挽警隊聲譽，還市民真相。
「我最嬲的是…你為咗你警隊的垃圾聲譽，同埋你那幾個可能都未見過的所謂『手足』，白白唔去接納一個大家提供畀你、可以還你清白的機會。」她愈說愈氣。「而家都仲要攬住自己份尊嚴，我真系唔明點解囉……」
***
「We are not enemies」
「警員親屬連線」facebook專頁於本周一（7月29日）成立，至今獲逾3千人贊好。頁面內容主要圍繞多次警民衝突的片段，亦刊載個別警察家屬的心聲。專頁封面則是一張示威者與警察對峙的 top shot，上面寫著「We are not enemies」。
Sunny透露，現時運作專頁的只有她和另一位警員家屬，但近日亦有不少人聯絡，稱可以幫忙。
不過她的目標不是要辦一個警員家屬聯誼會，而是透過這身分，促進改變。
「警員親屬連線」日前發起聯署，聲明以「作為警員家屬，你願意站出來嗎？」為題，指由6.12至今，警隊公信力不斷降低，執行職務時屢被質疑：「歸根究底因政府遲遲未肯成立獨立調查小組，看似維護警隊，實質置警隊於風尖浪口，替其承受大部分的市民怒氣。」因此，聲明提出四大爭取目標：
1.問責高層，於上水沙田元朗事件調度不當致加劇警民衝突
2.要求政府儘快回應市民訴求，還警察一個政治中立工作環境
3.支持員佐級協會發起遊行為前線警員發聲
4.成立獨立調查小組，挽救警隊聲譽，還市民真相
Sunny形容，除發起聯署外，現階段還計劃組織警員家屬成立關注組，討論進一步行動，包括舉行家屬遊行。
警員家屬的身分，對不少人而言頗為敏感。那為何要發起行動？全因 Sunny眼中，反送中運動似乎碰上了樽頸—這邊廂，政府不肯回應市民訴求，只想躲在警隊身後，採取「拖字訣」，「而家政府大模斯樣唔面對市民，就系因為香港警察幫佢嘛！」另一邊廂，示威者每周與警察發生衝突，舊恨未除，新仇又至，愈演愈烈。Sunny擔憂，長此下去示威者會更集中於與警察衝突，矛頭不再指向政府；同時又怕警隊作為「政治棋子」，日漸沉淪，以後再無尊嚴可言。
因此她嘗試組織警員親屬，促請成立獨立調查委員會，真正化解仇恨。
「咁就有機會可以推到政府出來面對返市民。」
7月22日，特首林鄭月娥、保全局局長李家超、警務處處長盧偉聰與一眾官員召開記者會。
腐敗浮面時
Sunny向記者展示丈夫照片，相中人穿著警察制服，笑容燦爛。
她說，丈夫自小志願就是做警察，「一來佢比較鍾意保護身邊人，做警察呢行本身都啱佢，二來佢畢業時覺得自己好有使命，一腔熱血，佢唔系淨系當呢份系一份工。」Sunny以前也對這職業有好感，「由細到大都覺得，佢哋系社會上鋤強扶弱的角色，另外佢哋兄弟之間一定要互相幫助那份感情，我覺得好珍貴。」這是她以往對香港警察的印象。
直至最近。「我一路好掙扎，點解會變成咁？」她逐漸察覺到警隊的淪落，「呢段期間，他們那種腐敗，慢慢浮上面。」
所謂腐敗，既見於警隊一種「永不認錯」的態度—就連市民要求出示委任證，也覺得是冒犯，是挑釁。「他們會覺得，我都著哂呢啲衫啦，我畀委任證你睇咪好冇面？他們行出來，覺得自己特別有威嚴，因為有法例賦予的權力。他們會話，我哋而家又咩唔啱呀？市民叫我做咩就做咩，咁我咩都唔駛做啦！」Sunny形容。
腐敗，又見於警隊上下拒絕獨立調查，「點解咁多人反對？其實大部分都系警隊高層被人查之嘛！好多系指揮的問題，但點解下面都反對？」Sunny認為，因為警隊有種維護夥計的文化，「就像別人講的『不割席』，嗰啲系我的夥計，我唔忍心出賣佢。」
但凡此種種，卻引致一個後果：警隊在許多香港人心目中，尊嚴盡失。Sunny不時對丈夫說，「你要諗清楚，其實你哋仲有無尊嚴先？」簡單如街上問路人查身份證，今天的警員也不時會被要求出示委任證，「咁其實你已經冇尊嚴喇喎！」因此她認為，警察更應該支持獨立調查，以挽回公眾形象，「起碼告訴別人，我哋唔驚，大家咪覺得至少你公正囉！」
若獨立調查能揪出害群之馬，Sunny認為對香港警察也是好事，「正因為他們做得不好，才會連累到你們一齊被人鬧，你覺得呢班人仲適唔適合留在警隊呢？」當然，警察「兄弟情」仍然牢不可破，「但如果你真系講義氣嘅，周街都有啦，黑社會都有啦，但系你做警隊開始以後，你除了要維護兄弟之外，你仲要維護呢個警隊嘅聲譽架嘛！你都系因為警隊嘅聲譽你先入去做架啫！」Sunny曾這樣跟丈夫說。
「其實我明，但系大部分人都唔明。」她丈夫回應。
7.30葵涌警署外，警察一度持槍????向群眾及記者
與警察丈夫的對話
雖然 Sunny口中，警員丈夫在前線執勤時「落到場唔多打」，自己去抗爭現場亦會知會對方，但一個自言「企喺示威者角度諗嘢」的妻子，和一個每日深受警隊文化薰陶的前線警員丈夫，平日有磨擦，也在所難免。
由6月9日開始，Sunny就不斷與丈夫討論警察執勤手法問題。「久不久有好唔合理的事，我都會鬧下佢。因為除咗鬧佢之外，鬧唔到第二個啦。」Sunny笑道：「有時佢真系好慘，其實可能佢都冇份打嘅，總之我一見到佢，就問：『做咩冇啦啦要打人啊？做咩要開槍啊？做咩放催淚彈？」
有時候，Sunny成功說服丈夫。例如上水、沙田衝突後，她丈夫對同事被示威者毆打感到憤怒及不解，「我唔知，我唔理，總之就唔可以打我夥計。」她嘗試解釋示威者為何激動，「你哋6.12一開始清場的時候，手法都好過份啦。」丈夫回應：「下，咁你哋衝擊喎！我哋一定要做嘢啦！」Sunny反問：「但系咪有更好的手法？」並出示6.12當日有女示威者被鎮暴警察包圍、瘋狂用長盾壓打的短片。「原來佢冇睇過呢條片，佢睇完有好大衝擊，即刻唔出聲。」
她再問丈夫，現在明白為何同事會被人打得厲害嗎？他答：「咁我明啦。」
亦有時候，丈夫的回答令 Sunny無言以對。例子又是6.12，她追問對方，「你哋駛唔駛打成咁呀？橡膠子彈點解可以射下隻眼呢？」她丈夫回答：「你估個個槍神呀？唔好以為受過訓練真系好巴閉，可能佢真系瞄準人哋個身打，只系射中個頭，咁你都解釋唔到嘛！就算我解釋給你聽，你都唔信啦。」Sunny只好說：「咁佢都咁講到，我唯有相信佢啦…」
「但如果成立獨立調查委員會，就可以從角度、方向等等，調查系咪真系想射人頭。」她不忘補充。
728西環
雙方不斷溝通之下，Sunny表示丈夫有明顯轉變—從以往反對示威者，到現在偶然會站在示威者角度向同事解釋。
雖則有時她還是不滿他的態度。例如7.28上環一役，報導指有小朋友因吸入催淚煙不適，Sunny很氣憤，但她丈夫得悉後的反應卻是：「都冇辦法架啦。」Sunny問他：「你呢個系咩態度、咩語氣？我覺得你好冷血囉！」
她說，之所以介懷丈夫對這些事情的態度，是因為如果他或其他警員，不對別人的不幸而麻木，甚至能有同理心，「就算佢唔聽你講，可能出到去，落棍嗰一刻會諗起呢。」
因此 Sunny認為，如果為前線的年輕人著想，大家應該多花心思向身邊認識的警察朋友解釋，而非 unfriend對方，「因為離開佢，他們會變得更加偏激，『呢個世界都冇人理解我嘅，得返我啲同事了解我。』咁咪更加聽同事講嘢，落到場打得仲甘。」
她不諱言，有時自己所做的，像是不停向丈夫「洗腦」。
「其實他們本身個出發點，可能對社會都是善意的，只是慢慢行歪。咁你可否掹佢返正途呢？」當然，事實是知易行難。「好似我同佢相處咗咁長時間，都要用咁多心力同佢解釋…」
「我們感情本身 OK，先可以做到呢個效果。」
2019年6月21日，灣仔警察總部近夏愨道的一副廣告被示威者貼上「反放中」標語
唔好自欺欺人啦
Sunny畢竟只有一個警員丈夫。任她費盡唇舌，頂多能改變枕邊人。
但她認為，警隊內部像她丈夫一樣可以被說服、甚至較開明的人，未必是少數。只是礙於現實，大多敢怒不敢言。「由頭到尾，他們的階級觀念都好重，還有一種同伴的心態，如果你發出異見聲音，好容易被人孤立。」默不作聲的結果，就是被幾個警察協會代表。彷佛所有警察，都異口同聲。
她在想的是，既然有些警員或因怕被打壓，或因人數不多，而暫時噤聲，那麼用警員家屬身分連結警察，或者可以帶來一個新的轉機。「當我能夠集結一班家屬的聲音的時候，其實已經為他們行了第一步，他們就能夠在內部和應，這樣會唔會容易啲呢？」她相信，只要更多警員願意發聲，員佐級協會等就有壓力，立場也許就會變化。
她真正希望的，是警隊可以真正挽回尊嚴、聲譽，不再如過街老鼠。「我最嬲系上面嗰個仲唔去反省自己有咩問題，仲覺得要有尊嚴，唔好咁自欺欺人啦！」
成立獨立調查委員會，正是契機。
「咁多訴求中最容易做的，一定是獨立調查委員會。如果到最後你都系會被人擺上檯，咁不如由今日開始你們自己爭取，其實聲譽就會返去你們那邊。」
她眼中，當警民不再完全對立，林鄭月娥就不能再安全躲在警隊背後，而要面對市民，回應示威者的訴求。如是，整場運動就會重回正軌。
「希望呢個真系一個轉機，唔駛嚇嚇都出去打—其實大家都攰啦。」
市民到葵涌警署門外聚集，聲援7.28上環衝突被捕人士
爽直警嫂的掙扎
Sunny說話爽直，但別以為她對發起行動沒有掙扎。
警隊內部的服從文化根深柢固，雖說 Sunny只是「警嫂」，但她的行動始終有可能連累丈夫，「我做咗呢樣嘢，如果最尾搞遊行，可能真系要出樣…咁我先生仲喺（警隊）入面，佢咪會好大壓力？」她苦笑承認，「其實我放咗佢上檯喇已經。」
難怪最初她跟丈夫提起成立「警員親屬連線」發聲的念頭，對方亦反對：「佢話，你唔好呀，如果你真系搞咗呢啲事，我好難做人。」一方面，他怕仕途受影響，「如果我唔升得高啲，點樣影響成個警隊？」另一方面，他又提醒任家庭主婦的妻子，「你擺咁多心力喺呢度，就兼顧唔到屋企。」甚至擔心她發起此事，原意雖是化解雙方仇恨，將矛頭指向政府，但最終可能會兩面都不討好。
Sunny直言自己也怕麻煩，加上7.21發生元朗襲擊後，她覺得再為警隊「挽回聲譽」而發起行動，連自己良心也有點過意不去，於是打算放棄。「不停聽負面消息，好攰好辛苦，搞到我都唔系好想做。」這時候，反而是曾經反對她行動的丈夫出聲鼓勵：「呢樣嘢真系可能有好大效果架，你唔好放棄，靠你喇。」
她發現，可能因為自己日夜洗腦，丈夫終於有點根本性的改變：「佢話，系囉，要救返自己警隊的話，呢樣嘢（成立獨立調查委員會）真系唔少得。」Sunny微笑，「佢由唔明到明，系突然之間「叮」一聲，真系一剎那。」她頗受感動。
Sunny最近又跟丈夫說，如果香港警察真的繼續沉淪下去，以至失去所有尊嚴，倒不如辭職。「唔好諗住要改變佢……你過咗呢幾十年，只會越來越跟大陸接近，會一路冇哂尊嚴，咁仲做來做乜啫？你不如做個豬肉佬，見到一些不公義的事就幫下手，可能好過做警察啦！」
然而，在仍然為「警嫂」的當下，她深信只有自己不要麻木，努力爭取，事情仍可有轉機。
「點解前面全部都系後生仔，佢哋仲未有包袱，未接受日日返工放工的生活模式。但我見到好多以前會出去（抗爭）的朋友，好多人已經唔會出去了，可能年紀大，身體又唔好，開始寧願唔出聲。」Sunny語重心長，「我唔想自己變成一個麻木的人，有機會做就試下…」
「…否則到件事過咗，香港真系變咗的話，以後都唔會有這些抗爭了。」這個「警嫂」如是說。
727元朗
