Peter目睹香港過去一年的自由度一再收窄，國安法更正式實施，他坦言身在香港已難再有良知地過活。
留學外國，本來是一件高興事，但對即將赴台讀大學的Peter而言，告別香港卻有無盡憂慮。「你喺香港已經好難搵到一個容身之地。」他坦言到台灣升學，同時已有計劃在當地定居生活，認為香港近一年已非自由之地，更令他下決心離開；但離別之前，香港正式實施《國安法》，他坦言離開之前仍會盡最後一分力為公義發聲，「驚呀，但儘量去做，叫做最後一次發表自己嘅意見。」
Peter今年20歲，成績不算優秀，中五時已打算赴台灣讀大學，畢業後再返港工作，但當他目睹香港過去一年的自由度一再收窄，《國安法》更正式實施，他坦言身在香港已難再有良知地過活。「其實都覺得香港個前景系好惡劣，香港依家對我嚟講，雖然系居住嘅地方，但一諗到《國安法》就想去其他地方。」
作為香港年輕一代，他直言對《國安法》「真系驚」，「《國安法》出咗嚟，咁我系咪要收返埋把口？系咪唔小心唱錯歌詞又或者點樣就會被判罪？其實我非常擔心，人權系剝削咗。」他形容香港現時已經與 大陸無異，《國安法》實施後，留在香港也只能「等死」。
「14歲可以判暴動罪，真系覺得好難過。」Peter坦言過去一年多，香港情況每況愈下，各種各樣荒謬之事，在今時今日已變成平常。「有時會見到啲人連屋企最安全嘅地方都會（有警員）拍門嚟上門秋後算帳，依家出入已經成為問題，都好難再發表一啲自己嘅言論，例如你去遊行，平時出街食飯已經好擔心，仲要有啲人冇顯示自己咩身份就過嚟同你講，話你犯咗啲唔知咩法。」他指，香港過去一年不斷發生這類荒謬事情，更遑論《國安法》實施後的自由民主和言論自由會進一步受影響。
現時台灣已有大學正式取錄他，暑假過後Peter將會離港赴台迎接9月新學年。告別香港在即，作為年輕一代，他坦言不希望見到香港情況繼續惡化，坦言一息尚存仍會作最後反抗，「我仲喺香港嘅時候都希望可以出返啲力，例如喺Twitter做文宣，7.1都會出嚟，唔知呢個系咪叫（我哋）嘅最後機會，只系希望香港唔好再惡劣落去。」他直言，如果可以選擇，仍希望畢業後能返回香港生活，但面對不明確的未來，他說：「可能我讀完書嗰時，會再同家人商量嚇。」
