新聞 > 港台 > 正文

港媒爆林志穎完成顏面手術後情況惡化 暫時要插胃喉進食

—林志穎傳完成顏面手術後情況惡化 暫時要插胃喉進食

台灣男星林志穎於上月發生嚴重車禍,面部及肩膀有多處骨折,需進行重建手術,留喺醫院治療至今已經有1個月,早前佢已完成手部及顏面2階段手術,目前恢復中,佢自上周開始就已經可以玩電話,仲被發現Online睇粉絲嘅留言同Update,康復進度理想!不過做顏面手術有利都有弊,日前就傳來壞消息指佢情況惡化,據知,佢做完顏面手術後暫時系冇辦法進食的,講嘢都唔方便,因為顏面手術將佢整個面部骨骼重塑一次,仲用鈦金屬做固定,特別系下頜骨嘅位置固定得最多,所以佢冇辦法張開個口食飯!當然,肯定唔可以唔食嘢,只不過佢暫時只能用鼻飼的方式食流質食物,即系喺鼻腔內插入軟管,將富有營養嘅流質食物從中傳送到佢嘅胃入面,咁樣就能幫助佢補充營養,唔會捱餓。

至於佢幾時可以正常進食呢,就要睇佢之後恢復情況,如果因恢復得唔好,喺過程中好有可能發生錯位要重新再整過,因普通人喺整容後都會發生錯位,要重新整形,所以佢自然都會發生咁嘅情況,因此佢之後無論做咩事都需要謹慎,否則仲可能會發生下顎錯位,真系萬事都要小心呀!原本以為林志穎喺進行了面部手術結束後,就可以冇事,估唔到最後都系好辛苦嘅,但系無論如何,能夠繼續生存已系最好嘅結果。

希望快啲好番啦!

林志穎發生嚴重車禍後,面部及肩膀有多處骨折。

林志穎早前已完成手部及顏面2階段手術。

據知林志穎暫時要插胃喉進食。

責任編輯: 楚天  來源:東網 轉載請註明作者、出處並保持完整。

本文網址:https://tw.aboluowang.com/2022/0822/1792888.html